Formularios

Os resultados de investigación pódense protexer de diversas maneiras, atendendo á natureza dos mesmos:

Dereitos de Propiedade Industrial→ Permite a protección de invencións, marcas, debuxos e modelos industriais e indicacións xeográficas de procedencia.

Dereitos de Propiedade Intelectual → Tamén coñecidos como dereitos de autor, permiten a protección de obras literarias, artísticas ou científicas, obras audiovisuais e programas de computador.

Unha patente é un contrato cunha administración dun país ou cun organismo internacional que outorga un dereito de fabricación e comercialización dunha invención nun territorio en exclusiva, impedindo con iso que ninguén máis poida fabricalo ou comercializalo durante un período máximo de 20 anos. Para que unha patente sexa concedida debe cumprir cos seguintes requisitos:

Novidade

A invención proposta non era publicamente coñecida antes da presentación da solicitude de protección.

Actividade inventiva

A invención non resulta obvia para un experto na materia.

Aplicación industrial

Pódese fabricar ou utilizar en calquera tipo de industria.

Calquera publicación, documento, congreso ou divulgación científica antes do rexistro da solicitude de protección podería invalidar a patente. Publicar e solicitar unha patente son compatibles sempre que se manteña unha orde adecuada, primeiro protexer e logo publicar. Unha correcta protección dos resultados de investigación é básica para permitir unha posterior transferencia de resultados, pero o proceso non termina cando se tramita unha patente. Ten que haber unha transferencia de Know-how e de aplicabilidade onde a participación do investigador é fundamental.

Co obxectivo de notificar á Unidade de Innovación unha invención, deseñáronse as seguintes Fichas de Declaración de Invención/ Dereitos de autor, segundo sexa a natureza da mesma. Ademais avaliarase a posibilidade de presentar unha solicitude de patente.