Quen somos

O Instituto de Investigación Sanitaria Galicia Sur (IISGS) créase no ano 2008 mediante a firma dun convenio de colaboración entre a Consellería de Sanidade, o Servizo Galego de Saúde e a Universidade de Vigo. A súa creación responde á estratexia promovida desde o Instituto de Saúde Carlos III (ISCIII) para o desenvolvemento dos Institutos de Investigación Sanitaria como estruturas organizativas de promoción e desenvolvemento da Investigación nos hospitais.

O IIS Galicia Sur é un espazo de investigación multidisciplinar en Biomedicina, con sede no Hospital Álvaro Cunqueiro de Vigo, que aglutina aos grupos de investigación clínicos das Áreas Sanitarias do Sur de Galicia e aos grupos biomédicos da Universidade de Vigo, co obxectivo de promover a investigación traslacional e a innovación, garantindo así a aplicación efectiva dos resultados de investigación en termos de beneficios para a saúde dos cidadáns.

A Fundación Biomédica Galicia Sur é a entidade xestora do IISGS e se encarga da xestión integral dos proxectos de investigación, desenvolvemento e innovación tecnolóxica que se solicitan e levan a cabo  dende todos os grupos de investigación que conforman o Instituto.

As funcións do IIS Galicia Sur son:

Evolución do Instituto

Desde a súa creación, o nome do Instituto foi incorporando pequenas variacións que respondían á evolución na súa estrutura e configuración. Así, xurdiu inicialmente como “Instituto de Investigación Biomédica de Vigo” (IBIV) e posteriormente, ao ampliarse a súa estrutura para incluír aos investigadores das áreas sanitarias do sur de Galicia, adoptouse a denominación provisional de “Instituto de Investigación Biomédica Ourense-Pontevedra-Vigo” (IBI). É en 2016, tras a aprobación do Consello Reitor, cando o Instituto adopta a súa denominación actual, Instituto de Investigación Sanitaria Galicia Sur, abreviada como IIS Galicia Sur ou IISGS.

“O IISGS é un espazo de investigación multidisciplinar en Biomedicina”