Acto de presentación oficial do Instituto de Investigación en Saúde Global e Desenvolvemento Sostible – iTERRA da USC

MÁIS INFORMACIÓN E PROGRAMA     |     INSCRICIÓNS

Acto oficial de presentación do iTERRA: un instituto de investigación interdisciplinar centrado na saúde global e o desenvolvemento sostible, que integra capacidades científicas en ámbitos como saúde humana e animal, alimentación, sustentabilidade ambiental e tecnoloxías avanzadas, promovendo unha aproximación conectada aos grandes retos contemporáneos desde a perspectiva One Health e da sostibilidade. O Instituto nace coa vocación de converter o territorio nun espazo de innovación e colaboración entre universidade, administracións, tecido produtivo e sociedade, impulsando investigación con impacto real desde Galicia e con proxección internacional.

Data e lugar: 2 de xuño  de 2026, ás 12.00 h no  Auditorio da Facultade de Veterinaria do Campus Terra, Av. Carvallo Calero, s/n, 27002 Lugo

Prégase confirmación da asistencia antes do venres 29 de maio a través do formulario de inscrición.