Curso: «Novos Horizontes Científicos e Terapéuticos en Obesidade – Parte I e Parte II»

MÁIS INFORMACIÓN (Parte I)     |     MAÍS INFORMACIÓN (Parte II)     |     CONDICIÓNS PARA A INSCRICIÓN

A Axencia Galega de Coñecemento en Saúde (ACIS) organiza este curso entendendo a obesidade como problema sanitario e social. Nestes cursos abordaránse novidades no tratamento dietético-nutricional, prescrición de exercicio físico, tratamento farmacolóxico, abordaxe psicolóxica e condutual ou a prevención da obesidade. Os obxectivos son: capacitar aos profesionais da saúde na prevención, diagnóstico e manexo integral da obesidade, proporcionándolles as ferramentas necesarias para abordar esta enfermidade crónica desde unha perspectiva multidisciplinar e coordinada, baseada en evidencia científica actual, co fin de mellorar os resultados clínicos e a calidade de vida dos pacientes.

Destinado a: Médicas/os, enfermeiras/os con especialidade ou sen ela, farmacéuticas/os, dietistas/nutricionistas, técnicas/os superiores en dietética e nutrición e psicólogas/os clíncas/os que teñan ou tivesen relación contractual co Servizo Galego de Saúde.

Os cursos son de 6 horas lectivas (Parte I) e de 8 horas lectivas (Parte II), respectivamente, e poderán realizarse entre 0 14 de xullo e o 31 de decembro de 2025.