Curso online: «Formación executiva para persoal investigador posdoutoral»

WEB DO CURSO    |     PROGRAMA     |     INSCRICIÓN

A Axencia Galega de Innovación da Xunta de Galicia, en colaboración coa Fundación Barrié, organiza o curso online “Formación executiva para persoal investigador posdoutoral”.

Este curso, de carácter gratuíto, enmárcase no Programa Ignicia Transferencia de Coñecemento, nas actuacións orientadas a impulsar o desenvolvemento profesional do persoal investigador.

O propósito desta formación é capacitar e orientar a 20 participantes en coñecementos e competencias relacionados coa comercialización de resultados de investigación, así como na promoción e xestión de spin-offs.

Cunha duración total de 60 horas, distribuídas en 15 sesións, o curso desenvolverase entre xuño e xullo de 2022 en horario de mañá. O programa estrutúrase en 3 módulos: «Formación executiva para persoal investigador posdoutoral», que será impartido integramente en inglés; «Aspectos legais da constitución e crecemento de proxectos de base tecnolóxica» e «Elementos fundamentais para a creación de spin-offs».