Cursos de Verán da USC: Actualización en medicina de urxencias e emerxencias: abordaxe integral do paciente agudo no ámbito hospitalario

MAÍS INFORMACIÓN    |    INSCRICIÓN     |     PROGRAMA

Organizado pola USC, o curso está orientado á actualización integral no manexo do paciente agudo en urxencias hospitalarias, abordando desde a organización asistencial ata as principais patoloxías tempo-dependentes. Pretende mellorar a valoración inicial, a toma de decisións e a identificación precoz do paciente crítico mediante metodoloxía sistemática (ABCDE). Incorpora adestramento práctico con simulación clínica para reforzar habilidades técnicas e non técnicas, como o traballo en equipo e a comunicación. Aborda urxencias cardiovasculares, respiratorias, neurolóxicas e traumáticas de alta relevancia. O obxectivo final é optimizar a seguridade e a calidade asistencial no manexo das emerxencias.

Data e lugar: 1, 2 e 3 de xullo de 2026. Hospital Clínico Universitario de Santiago de Compostela (Salón de Actos) – Santiago de Compostela.

O número de prazas dispoñibles é de 16, e o prezo desta actividade é de 70 euros (Hai taxa reducida aplicable a estudantes universitarios, de bacharelato ou de formación profesional, pensionistas, desempregado/as, socios/as da Asociación de Antigos alumnos da USC e PDI e PAS da USC: 40 €). O prazo de inscrición finaliza o 19 de xuño.