Cursos de Verán da USC: Saúde con perspectiva de xénero: a importancia das diferenzas por sexo na medicina moderna

MAÍS INFORMACIÓN E PROGRAMA    |    INSCRICIÓN

Organizado pola USC, os obxectivos do curso son analizar diferenzas biolóxicas segundo o sexo relevantes para a clínica, comprender o sexo como determinante fundamental da saúde, identificar sesgos de sexo e xénero na investigación e práctica clínica, explorar o impacto sanitario da violencia de xénero e fomentar a integración da perspectiva de xénero na Medicina baseada na evidencia.

Entre outros poñentes, no curso participa Pablo Juan Salvadores, investigador do Grupo de Investigación Cardiovascular do IIS Galicia Sur, co seu relatorio sobre: Mulleres nos ensaios clínicos: Equidade, evidencias e saúde.

Data e lugar: 6 e 7 de xullo de 2026. Aula Magna, Edificio Roberto Novoa Santos, Santiago de Compostela.

O número de prazas dispoñibles é de 60, e o prezo desta actividade é de 70 euros (Hai taxa reducida aplicable a estudantes universitarios, de bacharelato ou de formación profesional, pensionistas, desempregado/as, socios/as da Asociación de Antigos alumnos da USC e PDI e PAS da USC: 40 €). O prazo de inscrición finaliza o 26 de xuño.