IV Xornada Galega de Saúde Pública

MÁIS INFORMACIÓN E PROGRAMAS    |    INSCRICIÓN

Nesta IV Xornada Galega de Saúde Pública proponse un espazo de reflexión e diálogo compartido no que, a través de mesas de debate, se abordará a situación actual e a proxección de futuro da saúde pública, mediante o enfoque One Health e a integración da investigación na práctica, o impacto das novas tecnoloxías – como a intelixencia artificial – e o uso estratéxico dos datos na mellora da xestión e da atención ás persoas.

No evento realizarase a entrega dos Premios FARO 2026, coa finalidade de recoñecer a excelencia, a innovación e o compromiso coa saúde pública, poñendo en valor o traballo e a dedicación das persoas e equipos que desenvolven iniciativas neste ámbito en Galicia.

Data e lugar: venres 13 de marzo de 2026, ás 09.30 h., no Salón de actos da Consellería de Sanidade, en Santiago de Compostela.