O Instituto de Investigación Sanitaria Galicia Sur (IISGS) a través da Fundación Biomédica Galicia Sur, entidade xestora do mesmo, recibiu o recoñecemento “HR Excellence in Research” con data do 13 de xullo de 2022. Trátase dun recoñecemento outorgado por parte da Comisión Europea que reflicte o compromiso da institución na mellora continua das políticas de recursos humanos en liña coa Carta Europea de Investigadores e o Código de Conduta para o recrutamento de investigadores (Charter and Code, C&C), así coma co desenvolvemento dunha política de contratación transparente, aberta e baseada en méritos (OTM-R).
O IISGS comezou a traballar en conseguir a devandita distinción de calidade no ano 2020. Levouse a cabo un proceso de análise do grao de cumprimento de cada un dos 40 principios enunciados polo C&C e de la política OTM-R, co obxectivo de detectar aquelas carencias e áreas de mellora a implementar nos próximos anos.
Esta información trasladouse a un plan de acción que inclúe actuacións orientadas á mellora das condicións de traballo dos investigadores da institución, que deberá executarse durante os vindeiros cinco anos, e permitirá aumentar o atractivo da institución para o persoal investigador, ao promover condicións máis favorables para o desenvolvemento da súa carreira investigadora.
A continuación, amósanse os distintos documentos que forman parte da Estratexia HRS4R:
Dende o IIS Galicia Sur e a Fundación Biomédica estase a traballar para a obtención do selo “HR Excellence in Research”, que outorga recoñecemento público ás institucións de investigación que progresan no aliñamento das súas políticas de recursos recursos humanos cos principios definidos na Carta Europea do Investigador e no Código de Conduta para a contratación de investigadores (Charter & Code).
O IIS Galicia Sur realizou unha Análise de Situación (Gap Analysis) a fondo da entidade, en función da cal preparouse un Plan de Acción (Action Plan), documentos necesarios, xunto co sistema de selección Open, Transparent and Merit-Based Recruitment (OTM-R), para la obtención do selo HRS4R. Conta tamén cunha política de OTM-R aprobada y publicada.
Os documentos actualizáronse en abril de 2022 e poden consultarse nos seguintes enlaces: