Innovación e Transferencia de Tecnoloxía

Innovación e Transferencia de Tecnoloxía

A Unidade de Innovación do Instituto de Investigación Sanitaria Galicia Sur ten como misión principal axudar ás ideas innovadoras e invencións xeradas dentro da nosa organización para converterse en produtos ou servizos que poidan transferirse ao mercado para beneficio da sociedade e mellora da saúde en xeral.

Por tanto, os principais obxectivos son:

1. Identificar as ideas innovadoras e invencións xeradas dentro do Instituto que poidan ser transferidas ao mercado.
2. Valorar e xestionar a protección da invención e da propiedade intelectual da institución.
3. Fomentar a cultura innovadora dentro do Instituto.
4. Favorecer a transferencia dos resultados de investigación ao mercado.
5. Xestionar e participar en todo o proceso de transferencia de tecnoloxía, desde a identificación da idea ata a comercialización do produto ou servizo.